تبي تهجر ؟

....................

تبي تهجــر والا تبي تنسى ؟
تبي تغــدر والا تبي تقسى ؟
قـول تكلـم والله عندي ماتفـرق
متعـود أتألـم والبعد صار مايحـرق
ياصاحبي لو تبي تبعـد ياسيدي اللـه وايـاك
بس لاترجع لي أبــد ولا تفكر اني بلقــاك
ولا تقول لأي أحــد انك بتنساني و بنسـاك
بدأ حبنا ولا أحد درى عنـه
واليوم ينتهى ولا نسأل عنـه
وكأنه حلم عشنا جزء منـه
بدأنا الحب بالكتمان .. واليوم .. بدأنا الفراق بالنسيان
بدأنا الحب بالأشجان .. واليوم .. بدأنا الفراق بالأحزان
أصلا هذا هو المصيــر
وهذا اللي راح يصيــر
كل واحد بدربه يسيــر
يالله ياحبيبي عن اذنـك ماأبي أعطلك عن فرقاي
روح الله يسهل دربـك يا أحلى ذكرى بذكراي

حرام ..

................


مايأثر فيك الكلام ولا العتاب والملام
ولا حـتى الخصام حرام والله حـرام

وين أنت وأنا ويني بعدك لحاله مشقيني
يا أجيك يـا تجيني ونعيش أحلى غرام

عودتني على الدلال عيشتني فوق الخيال
سحرتني بالجمـال ذوبتني بالأحـلام

واليوم تغيرت ياغالي صرت تتركني لحالي
ولا تسأل عن حالي ولا تدري متى أنام

ولا تدري اني أسهر وأشكي حالي للقمر
وأبكي مـن القهر وأتذكر ذاك الهيـام

أنا أسهر ليلي أعاني و خايف لو تنساني
أوتتركني في مكاني وماتقول حتى سلام

ياليت تتأثر بكلامي وتحس فيني وفغرامي
ياحبيبي رد سلامي حرام عليك حـرام

تعبت من صدقك !

......................

تعبت من صدقك اللي هو كذبك تعبت من حبـك اللي هو هجرك
تعبت من كل شي واللـه فيـك حتى من مزحك اللي هو جرحك

تعبت من وعودك و كل كلامـك تعبتني أحلامك اللي هي أوهامك
والله تعبت و أتعبتني الله يكافيـك كفايه مابي أتعب زياده فغـرامك

تعبت من كثر ما أتفـاهـم معاك تعبت ومافاد الكلام أبـد واياك
تعبت وأنا أترجاك وكمان أراضيك تعبت وياخوفي من التعب أنساك

صحيح أنا من كل قلبـي عشقتك بس اليوم من جروحك كرهـتك
وصرت والله العظيم مـا أدانيـك من جد خسرتني لأنـي تركتـك

تصدق اني من قلبي حـزين عليك لأنك خسرت قلب كان شاريك
روح دوّر انسان غيري تبيه ويبيك وان لقيت قابلني و الا أنا أجيك

والله راح تتعب والتعـب بيشقيك وراح تعـرف مافي غيري يرويك
بس اليـوم غيـري أولى مني فيك أظن الين هنـا و خلاص يكفيك

بدعي عليك ..

....................................

بدعي عليك ربي في كل مسجد وبيـت بدعي عليك ربي عاللي سويتـه فينـي
بدعي عليك عسى تعاني مثل ماعانيـت بدعي عليك بعدد كل جرح مشقينـي

بدعي عليك على كل ونه منها ونيـت بدعي عليك بكل جرح كنت تعطينـي
بدعي الله يبتليك مثل ما أنـا ابتليـت وتحس وقتها بالنار اللي فيني وتكوينـي

دعيت عليك في الصلوات اللي صليـت دعيت عليك بعدد كل جرح مبتلينـي
دعيت عليك و بدعي لأني ما اكتفيـت والله ينتقم منك بكل دمعـه في عينـي

وعسى تنجرح ومحد يسمع لو شكيـت والألم يبكيك وتحس باللوعه اللي تجينـي
وعساك تندم و ماتنفع وقتهـا ياليـت وحسبي الله عليك والله وحده يكفينـي

ومنك لله ياللي ماخفت منه وماستحيـت منك لله قتلت قلبي ولا جيـت تعزينـي
بدعي عليك ياللي افتريت فيّا وماخليـت بدعي عليك زي ما عذبتنـي يامجافينـي

خلاص روح وعاشـر غيري اذا لقيـت و عساه يسقيك من اللي كنت تسقينـي
روح وبتحمل عذابي وكل اللي سويـت والله يعوضنـي و من جرحك يداويينـي

انتهيت من حياتي وأنا بجرحك ابتديـت و بدعي عليك عسى الدعوات تواسينـي
خلاص أنت بالنسبه لي مت و توفيـت وخلاص دفنت تراب ذكراك بايدينـي

خلاص ماتفرق معي رحت والا جيـت ربنا موجود ومر ذكراك راح ينسينـي
والله ما أسامحـك حتـى لو ترجيـت والله على الظالم يا اللي أجرمت فينـي

كرهتك بعد ماحبيتك ..

.................................................

ماراح تلاقي أحد حبك مثـل جنونـي ولا أحد يغليـك مثـل ما أنا أغليتك
بس اليوم أقولها بصدق يا مخيب ظنونـي والله العظيـم كرهتـك بعد ما حبيتك

ولا بتلاقي أحد كرهك مثـل جنونـي خسرتنـي و حرام فيك كلمـة هويتك
بعد ما أهديتك حبي وأصدق شجونـي الكره و الكره بكـل اخلاص أهديتك

بعد ماكنت أقول أحبك يانور عيونـي وبعد ماكنت أغـازلك و أقول فديتك
صرت أنا أقول أكرهك كره جنونـي وحرام فيك كـل الحب اللي عطيتك

وعادي لو كل الناس عنـك سألونـي بقولهم أكبر غلطـه بعمري يوم لقيتك
لو الأطباء اجتمعـوا عشان يداوونـي و لو كل النـاس لامـوني لأني نسيتك

والله مايقدرو من كرهي لك يشفونـي و لايقدرو يمنعـوني أكره طـريق بيتك
أنا ودي أصرخ وكل الناس يسمعونـي وأقول أكرهك وبعتك برخص ماشريتك